Shillong, Lber, 21: U Bah Tarson Lymba uba la shah kem ha ki Pulit halor ka jingkynnoh donkti bad ka seng kieng atiar Hynñiewtrep Liberation Council (HNLC) ba la shah kheiñ be-aiñ u la lait jamin ha ka sngi Thohdieng hadien ka jingshah set along kaba la jan hynñiew bnai kynthih.
U Bah Tarson Lymba u dei uba bat ïa ka kyrdan Disciplinary Secretary jong ka HNYF, Seng Kmie bad u President jong ka HNYF Southern Riwar Circle bad u dei ruh u dkhot ba la rim bha jong ka seng.
Kum ban shu pynkynmaw, u Bah Tarson u la shah kem ha ki Pulit ka jylla ha ka 10 tarik, Lber 2024 halor ka jingkynnoh ba u donkti ba ka HNLC bad ha ka 14 tarik u Nailar 2024 u la ïoh jamin bad dei ha kane kajuh hi ka sngi ki Pulit ki la kem biang ïa u ban set along ha Mawsyntai, Ri Bhoi District.
Hadien ba la lait along, ïa u Bah Tarson la pdiang sngewbha da nongïalam jong ka HNYF bad ki bahaïing hasem.
