Shillong, Lber 5: Ïa ka met jong u Bah Kynsailin Kharphanbuh ba ju khot ieid Bahïit, uba shong basah ha Lummawbah, Block -3, Upper Shillong, uba la jah naduh ka 1 tarik mynta u bnai ha ka por kumba 11:00 baje mynstep la lap na khrum ka jingkieng Umshyrpi ha ka sngi baar da ki paidbah hadien ba ka shnong ka la pynlong ka jingwad ïa une u rangbah naduh ka sngi kaba um shym la wan phai shuh sha la ing.
Ki Pulit jong ka Jhalupara Out Post bad ka kynhun State Disaster Response Force (SDRF) ryngkat bad ki bahaing hasem ki la poi sha kane ka jaka ha ka por ba la sei ïa ka met jong u Bah Kynsailin.
Haduh mynta, ym pat lah satia ban tip ïa ka daw tynrai halor kane ka jingjia ba sngewsih la une u rangbah u la shah pynïap dusmon.
Na ka liang jong ki bahaing hasem ki la kyrpad ïa ki bor ka aiñ ban ym leh shuh ïa ka Post Mortem da kaba pynpaw ba kim don jingsuba eiei ba une u rangbah un shah pynïap.
