Shillong, Naitung, 28: Uwei u rangbah briew u la lap ïa ka metïap na ka pung kaba u ju leit sait kali katba u dang ïaid lynti na kawei ka jaka kaba ki ju khot ka Umjynkynrud kaba hap ha Khlaw jong ka Raid Mawpat, Shillong.
Kane ka la jia ha ka step sngi Lah Sngi U Blei ha ka por kumba 9 baje mynstep.
Ïa uba ïap la tip kyrteng kum u Bah Charles Sohtun, 57 snem ka rta u kurim jong ka Kong H.Nongkynrih kiba shong basah ha Langkyrding Mihngi Block-IV.
Une u rangbah u la ïathuh ba ka dei ha ka por ba ma u bad u kpa bad i para ki dang thmu ban leit sei kali, pynban ki la lap ïa ka metïap kaba la per ha kane ka pung.
Na ki dak ki shin la ïohi ba u briew ba la ïap hangta u la buh ïa ki slipper bad ka jaiñ harud jong kane ka pung.
Ki Pulit kiba la ïoh jingtip halor kane ki la leit mar mar ban pynlong ïa ka jingtohkit bad la ong ba une u briew uba la ïap u dei uba ithuh dur bad ki ju sin ruh kum u Bah Hep uba na ka shnong Langkyrding Mihngi.
Ïa ka met jong u rangbah ba la lap na ka pung, la pynkit noh da ki Pulit sha NEIGRHIMS Hospital, Shillong ban leh ïa ka Post Mortem bad ban tohkit bniah khnang ban lap ïa ka daw halor ka jingïap jong une u rangbah.
