Shillong, Jymmang, 26: Ha ka sngi u Blei la lap ia ka Scooty jong ki ar ngut ki shi kurim ki nongjngohkai kiba leit Shang suwari sha ka thain̈ Sohra.
La lap ïa ka Scooty kaba ki shu shim wai ha Sohra Rim bad la suba ba kine ki shikurim ki la jah rngai ha kane ka thain̈.
Katkum ka jingtip ba la īoh lum la īathuh ba kine ki ar ngut ki shi kurim na ka jylla Maharashtra ki dei kiba la tip kyrteng kum u Raja Raghuvanshi bad ka Sonam Raghuvanshi.
Ka thymmei khubor ka īathuh ba ka mobile phone jong kine ki ar ngut ki Tourist ka la switch off naduh hynnin ka sngi u Blei.
Ki Pulit ka Sohra Police Station kiba la īoh jingtip halor kane ka jingjia ki dang wad ha ki jaka jngohkai kiba don ha ki thain Sohra Rim bad ki dang pynlong ruh ka jingtohkit kaba bniah ha kiwei pat ki jaka ban lap ia kine ar ngut shikurim.
