Shillong, Naiwieng, 04: U Superintendent of Police, West Jaiñtia Hills ha ka sngi Baar ula pyntip ba la lap ïa kawei ka metïap ba la kylla shyieng skeleshon ha ka khlaw Rachi, ha ka shnong Mookyndur.
Ha u kyrwoh, u SP u la pyntip sha ki paidbah ba la lap ïa ka shyieng skeleton ha ka 30.10.2025. Hadien ba la pyndep ïa ki jingdonkam katkum ka aiñ, hynrei haduh mynta ki Pulit kim pat lah ban ithuh ne tip shaphang ka shyieng skeleton.
Na ka jaka ba la lap ïa ka shyieng skeleton, la lap ïa uwei u ksai rong saw, lai tylli ki shabi uwei u safety pin.
U SP u la kyrpad ïa ki paidbah ba kin wan shakhmat lada ki don kano kano ka jingtip khnang ban dup lah ban ithuh ïa uba la khladnoh.
Kino kino ki briew kiba lah ban ithuh ne kam ïa ka met la kyrpad ba kin wad jingtip na ki Police Station kiba marjan lane da kaba wad jingtip hapoh san sngi na ki Pulit ka Ummulong Beat House, West Jaiñtia Hills District da kaba phone ha u mobile number: 6002152968/ 9774065467 naduh ba la pynmih ïa kane ka jingpyntip.
