Shillong, Naiwieng, 01: Ha ka step sngi Thohdieng ha ka por kumba 10:00 baje mynstep la lap ïa kawei ka pistol kaba dang don kuli hapoh na ka nala kaba don mar pyrshah bad ka ophis tnat syntiat ka Sorkar Pdeng ba la tip kum ka SIB ha Lumshatsngi, Laban.
La lap ïa kane ka pistol da u nongtrei jong kawei ka Guest House kaba don mar pyrshah jong ka ophis ka tnat syntiat.
U trai jong ka Guest House u Bah Michael kharsyntiew haba ïakren bad u nongthoh khubor lyngba ka telephone u la la ïathuh ba baroh ki nang pyrkhat ba ka dei ka pistol kai namarba ka dei ka por lehniam Diwali hynrei haba ki briew na ka ophis jong ka SIB ki la wan peit ki la pyntikna ba ka dei pynban ka pistol kaba shisha.
U la ïathuh ba ki Pulit ki la wan ban shimti noh ïa kane ka pistol bad ka jingtohkit mynta ka dang ïaid shakhmat.
