Shillong, Nailur, 11: U Symbud Myntri Rangbah ka Jylla uba khmih ïa ka tnat Kam Pohïing u Bah Prestone Tynsong ha ka sngi Balang u la mih na la ka jong ka jylla ban leit sha Delhi na ka bynta ban ïoh ïa ka jingsumar kaba kham paka.
“U Symbud Myntri Rangbah u la leit sha Delhi ban ïoh ïa ka jingsumar kaba kham paka,” la pyntip u Commissioner & Secretary u Vijay Mantri sha ki lad pathai khubor.
Ïa u Bah Prestone la sumar ha ICU jong ka Nazareth Hospital, Shillong hapoh ka Department of Neurosurgery ha ka 9 tarik, mynta u bnai.
“La sumar ïa u namarba ka don ka jinglang snam ha ka jabieng,” la ong u kyrwoh sorkar.
