Shillong, ïaïong, 17: Ka District Magistrate jong ka East Khasi Hills District ka la pynjari da ka hukum hapoh ka Section 163 BNSS kaba la mana ban pynïap beain ïa ki dohkha bad ban pynjot ïa ka mariang ha Wah Umïam kaba dang hap hapoh u pud u sam jong ka shong Umlyngka, kata, naduh ka Sdad Wah Umkhrah haduh Sdad Jlu da kaba pyndonkam ïa ki dawai chemical bad ki tiar pynbeit kynthup ka jingtheh da u bleaching powder, u ammonium-sulphate, ka dawai pynïap khñiang, siat bom, khang jar bad kiwei kiwei da kino kino ki briew.
Ka jingpynjari ïa kane ka hukum ka la long hadien ba la ïoh jingtip ba ki don ki riewsniew kiba la pynïap pathar ïa ki dohkha ha shilynter ka wah Umïam kaba dang hap hapoh u pud u sam jong ka shnong Umlyngka bad ha ki jaka ba marjan.
Ka DC ka la ong ba ka jingpyndonkam ïa ki dawai chemical, siat bom, theh dawai, khang jar, shoh khariew kan pynjot ïa ka wah bad kan buh jingman ruh ïa ki jingthaw kiba im ha um lada ym ban ïada ha ka por kaba biang.
Kino kino kiba pynkheiñ ïa kane ka hukum kin shah pynshitom hapoh ka Section 223 jong ka BNS.
Kane ka hukum kan treikam noh mardor tad haduh ban da pynbna da kumwei pat.
 | ReplyForwardAdd reaction |
