Shillong, Rymphang, 17: Ka Dorbar Shnong Umkiang kaba hap hapoh ka Elaka Narpuh jong ka East Jaintia Hills District, ka la maham tyngeh ïa kino kino ki kyrtong lane ki riewshimet ban sam pisa hapoh u pud u sam jong ka shnong Umkiang naduh ka por 6:00 baje janmiet ka 19 tarik Rymphang, 2025 tad haduh ban da dep ka sngi thep vote.
U kyrwoh ba la phah da u Waheh Shnong jong ka shnong Umkiang u Bah Lasting Pala bad u Secretary Shnong u Bah Nicholas Lyngdoh ki la ong ba kane ka jingmaham ka long ban pynlong ïa ka jingjied nongmihkhmat sha ka Jaintia Hills Autonomous District Council da ka lynti kaba khuid ba suba, ban ailad ïa ki nongshong Shnong ban jied nongmihkhmat da ka mon laitluid khlem ka jingpynbam pisa, khnang ban wanrah ïa ka jingsynshar kaba khuid basuba hapoh ka bri u hynniewtrep.
Ka Dorbar shnong ka la maham tyngeh ba lada lap ïa kino kino kiba ïaleh pyrshah kin shah pynshitom katkum ka aiñ.
