Shillong, ïaïong, 06: Ka Dorbar Shnong Umrynjah ka la pynbna paidbah ba ka khang bad mana ban tih maw tih shyiap ne khlong maw khlong shyiap hapoh u pud u sam jong ka shnong jong ka.
Ïa kane ka rai ka Dorbar Shnong Umrynjah ka la shim ha ka jingïalang jong ki excutive member ka DS Umrynjah kaba la long ha ka 5 tarik u Ïaiong, 2025 ha sngi Saitjaiñ ha iing shnong.
“Ngi la rai ban pynbna paidbah bangin nym shah shuh ïano ïano ban khlong maw khlong shyiap ne ban tih maw tih shyiap ha ka shi lynter jong ka wah Umïam kaba hap hapoh u pud u sam jong ka shnong Umrynjah, naduh thwei Jaklong haduh phud Umpling Umphrew,” ong u rangbah shnong bah P.R Thabah ha ka kyrwoh jong u.
U la bynrap, “Kane ka rai kan treikam naduh ka 7 tarik u Ïaiong, 2025 bad lada lap ïa kino kino kiba ïaleh pyrshah yn pynshitom katkum ki kyndon shnong.”
