Shillong, Jymmang 21: Ka Director General of Police (DGP) ba thymmai jong ka jylla ka kong Idashisha Nongrang ka la pynmih da ka jingpynbna paidbah ba naduh ka 30 tarik, Jymmang, 2024 kan ïakynduh ïa ki nongshong shnong ka jylla ha kaba ïadei bad ki jingeh ba ki mad.
Ka sngi Palei kan long ka sngi ba ka Kong Nongrang ka la buh ban ïakynduh ia ki riewpaidbah, kata, naduh ka por 11:00 baje mynstep haduh ka por 2:00 baje noh sngi hapoh ka Police Headquarter, Shillong.
“Nga pynshlur ïa baroh ki nongshong shnong ban shim ïa kane ka kabu ban ïathir ïa ki jingeh/jingdonkam ba ki ïakynduh markhmat bad nga bad kiba kwah ban wan ïakynduh kin hap ban pyndap ïa ki kyrteng ha phalor jong ka ophis treikam jong ka DGP naduh ka por 10:00 baje mynstep haduh ka por 11.45 mynstep,” ong ka DGP ha u kyrwoh.
