Shillong, ïaïong, 01: Haduh 60 ngut ki la don ki nongïashim bynta ha ka jingmareh ha ki lum ki wah, ki surok khyndew bad ki jaka ba kham sohkhruh sohkhram ba kynthup ïa ki 26 kiba ïashim bynta ha ka Cross Sountry bad 34 ngut ha ka Duathlon Race.
Ïa kane ka jingmareh ba la ai kyrteng kum ka ‘Rhythm of the Fields, la pynlong da ka Maple Pine Sweat Works Gym & Procycling, Shillong ha ka 29 tarik, Lber, 2025 bad kan dei ruh ka sien banyngkong eh ba la pynlong ïa kane ka Cross Country bad Duathlon Race ha Wahlyngkien, Meghalaya.
Ki nongjop ha ka Cross Country na ka liang jong ki shynrang ki long u Donkupar Marbaniang, u Daioohmitre bad u Teiboklang Biam bad na ka liang jong ki kynthei ki nongjop ki long ka Balasiewdor Pathaw bad ka Angelista Syiemlieh katba na ki khynnah rit ha ka liang jong ki shynrang ki nongjop ki long u heprit Alvan Thapa, u heprit Synrang Batngen Marbaniang bad na ka liang jong ki kynthei ki nongjop ki long ka heprit Inebapyntngen Synrem bad ka heprit Basiamiatbha Kharsohnoh.
Na liang jong ki shynrang ba la kynjoh 50 snem shaneng, ki nongjop ki long u Bah Badon Singh Tham, u Bah Swonding Mawlong bad u Bah Pratap Das bad na ka liang jong ki kynthei ki nongjop ki long ka Kong Juliana Wahlang, Kong Rolinda Wanniang bad ka Kong Thlingda Wanniang.
Katba ki nongjop ha ka DUATHLON na ka liang ki shynrang ki long u Alancemayer Lyngdoh Nonglait, u Ïalamjingshai Mylliem bad u Bikresstar Mynsong katba ki nongjop na ka liang ki kynthei ki long ka Priya Mawblei bad ka Dakahi Kyndait.
Ha kane ka sngi la sakhi lang da u MLA barim ka Mawphlang Constituency u Bah Eugeneson Lyngdoh uba la sam ruh ïa ki khusnam sha ki nongjop.
