Shillong, Nailar, 04: Ka long kaei kaei kaba sngewlyngngoh ba ha ka skul Sorkar yn don tang uwei u nonghikai uba hap ban ai jinghikai ïa ki 109 ngut ki khynnah skul.
Kane ka la paw pyrthei hadien ba ki nongïalam jong ka Hynniewtrep Integrated Territorial Organisation, Mairang Circle hapoh ka jingïalam jong u President u samla Reynold Lyngdoh Lyngkhoi ha ka 4 tarik Nailur, 2025 ki la leit jurip ban tohkit halor ka jingdon tang uwei u nonghikai ha Mawsmai Kyllang Govt Lower Primary School, Mairang hadien ba la ïoh ïa ka jingujor na kiba bun ki nongshong shong.
Ha kaba ïadei bad kane, ki nongïalam ka seng ki la leit ban pan jingshai na u Sub Divisional School Education Officer, Mairang ha kaba u la pyntip ba u ladep ban phah ïa ka jingtyrwa sha ka tnat Pule Puthi ka Sorkar Jylla ban thung nonghikai hynrei haduh mynta ka tnat kam pat ai satia ïa ka jingmynjur.
