Shillong, Jymmang, 13: Ka Central Board of Secondary Education ha ka sngi Baar ka la pynbna paidbah ïa ka resol jong ka Class-10 bad Class-12 na ka bynta u snem 2025.
Ha ka Class-10 na ki 2,371,939 lak ngut ki khynnah skul kiba ïakhun ïa ka eksamin, 2,221,636 lak ngut kiba pas bad ka percentage ka long 93.66%. Ha kane ka result, ki kynthei ki kham leh bha ban ïa ki shynrang haba ïanujor ïa ka jingpas bha jong ki kynthei ka long 95% katba ki shynrang pat ka long 92.63%.
Ha ka Class 12 na ki 1,692,794 lak ngut ki khynnah kiba ïakhun ïa ka eksamin, 1,496,307 ngut kiba pas bad ka percentage ka long 88.39%. Ha kane ka result ruh ki khynnah kynthei ki kham leh bha ban ïa ki shynrang. Haba ïanujor, ka jingpas bha jong ki kynthei ka long 91.64% katba ki shynrang pat ka long 85.70%.
Shuh shuh, haba peit pat ïa ka jingpas bha jong ki khynnah na ki jylla, ha ka Class 10, ka Trivandrum ka jingpas jong ki khynnah ka long 99.79%, bud sa ka Vijayawada, Bengaluru, Chennai bad Pune. Katba ha ka Class 12 ka Vijayawada ka la kynjoh 99.60%, bud sa ka Trivandrum, Chennai, Bengaluru bad West Delhi.
