Shillong, Jymmang, 15: Ha ki sienjam bakongsan tam ha ka jingpule ïa ki kyrdan ba kham shajrong ha ka jylla Meghalaya, u Myntri Rangbah ka Jylla u Conrad K. Sangma u la pyntip ba ka Shillong Government College of Engineering ka la ïoh ïa ka jingmynjur kaba pura na ka All India Council for Technical Education na ka bynta ban pynsdang noh ïa ka jingpule ha ka Civil Engineering bad ha ka Electrical Engineering.
Ha u kyrwoh ba la pynmih ha ka X, u Myntri Rangbah ka jylla u la ong, ‘nga dap da ka jingkmen ban pynbna ba ka Shillong Government College of Engineering ka la ïoh pdiang ïa ka shithi jingmynjur na ka AICTE ban sdang ïa ka jingpule ha ka Civil bad Electrical Engineering”. “Ka ka pyni ïa ka jingseng nongrim ïa ka kolej Engineering sorkar kaba Kane ka jingïoh jingmynjur jong ka Shillong Government College of Engineering ka la plie lad ïa ki samla pule na kane ka jylla ban bteng ïa ka jingpule Engineer khlem da donkam shuh ban leit shabar ka jylla.
Kum ban shu pynkynmaw hangne ba u Myntri Rangbah ka Jylla Conrad Sangma u la plie paidbah ïa ka Shillong Government Engineering College kaba don ha Mawlai Kynton Massar ba la shna hapoh ka Rashtriya Uchchatar Shiksha Abhiyan ha ka 16 tarik, Kyllalyngkot, 2023.
Ka Shillong Government Engineering College ka ai jinghikai ha ki Degree Courses na ka bynta ki lai tylli ki jingpule, kata ha ka Civil Engineering, ka Electrical Engineering bad ka Mining Engineering na ka bynta 30 ngut ha kawei kawei ka shnat pule.
