Shillong, Nailur, 19: U State President jong ka All India Trinamool Congress (AITC) uba long ruh u MLA na Nongthymmai Constituency u Bah Charles Pyngrope u la shah thung kum u Chief Whip ka Liang Pyrshah ha ka Ingdorbar Thawaiñ ka jylla.
“U Bah Charles Pyngrope, uba dei u dkhot jong ka Meghalaya Legislative Assembly u la ïoh jingithuh na u Lamphang jong ka Iingdorbar Thawaiñ kum u Chief Whip ka Liang Pyrshah ha Meghalaya Legislative Assembly kaba treikam naduh ka 15 tarik, Nailur, 2025,” la pyntip u Commissioner & Secretary jong ka Assembly u Bah Andrew Simons ha ka jingpynbna ba la pynmih paidbah.
Haba pdiang sngewbha ïa kane ka rai jong u Lamphang, ka AITC ka la ong, “kane ka dei ka sienjam kaba kongsan ha kaba pynskhem shuh shuh ïa ka jingdon jong ngi bad pynkhlaiñ ïa ka bynta jong ngi ha Meghalaya. Da kane, ngi pynskhem biang ïa ka jingkular jong ngi ban ai ïa ki paidbah ka jylla ïa ka jingpyrshah kaba khlaiñ, kaba don ka jingkitkhlieh bad ka liang pyrshah kaba don sha ka liang jong ki paidbah.”
