Shillong, Nailur, 17: Saw ngut ki briew ki la mynsaw jur na ka jingshah pom ha u Pyrthat katba ki dang rieh slap ha uwei u dieng jri.
Kane ka la jia ha ka Lah Sngi u Blei mynta ka taïew ha ka por kumba 2:00 baje ha ka shnong Mowshadep, kaba hap hapoh ka Laskeiñ C&RD Block jong ka West Jaiñtia Hills District.
Ïa kine kiba la mynsaw la tip kyrteng kum u H. Ting na ka shnong Mooshrot, u B. Tyngkan na ka shnong ñiawkmai, u P. Sten na ka shnong Mukroh bad u S. Lyngdoh na ka shnong Sahsniang.
Ka khubor ba la ïohlum ka la ïathuh ruh ba napdeng jong kine ki saw ngut ar ngut ki la kham mynsaw jur.
