Shillong, Nailur, 22: Uwei u shipai BSF uba la tip kyrteng kum u ASI/G. Brijesh Singh uba ap pahara hajan u mawpud BP No. 1267/3R, ha ka shnong Lyngkhat kaba don ha khappud bad ka ri Bangladesh u la shah kawang maw bad shah shoh ha ki runar ki bym lah ban ithuh.
Ki bor ba dei peit jong ka tnat shipai BSF 4th Battalion ka BOP Lyngkhat, East Khasi Hills District ha ka ejahar ba la mudui sha ki Pulit ki la pyntip ba ha ka 19 tarik mynta u bnai ha ka por kumba 5.30 baje mynstep ki runar ki bym lah ban ithuh durkhmat hadien ba ki ladep leh ïa ka kam runar ki la phek bak.
Mynta une u shipai BSF u dang don hapdeng ka jingsumar namar ka jingmynsaw ha ka jingshah thombor.
