Shillong, Naitung, 24: Ka tnad syntiat jong ki shipai ka Ri India kiba la ïoh jingtip ba uwei u briew uba ïaid bad ka riam shipai ki la buddien bha ïa ka ïaid ka ieng jong u bad ha kem noh ïa u na 101 Area, Upper Shillong.
Ïa une u shipai thok ba phong ha ki riam shipai la tip kyrteng kum u Sar Chehon Rongpi, uba dei na Dokmoka, Karbi Anglong District, Assam. Une u briew u la leh mynleh kum heh shipai bad ha ka jingbuddien jong tnad syntiat ki shipai ki la kem noh ïa u.
Da ka jingriam ïa ki jaiñ phong shipai une u briew u la ïoh rung ha kiba bun ki ktem sah jong ki Shipai kiba don ha kane ka nongbah Shillong ba la mana ban rung ïa ki riewpaidbah khlem da ïoh jingbit.
Na ka Mobile jong u la lap la lap ba ki don ki dur bad ki video kiba u la shon bad ringdur ïa ki ktem sah jong ki shipai bad ïa ka suloi AK-47.
Hadien ba la kem ïa u, ki shipai ki la aiti noh ïa une sha ki Pulit ka Jylla Meghalaya ban tohkit halor kane.
U Superintendent of Police ka East Khasi Hlls District u la pynthikna halor kane ka jingshah kem jong une u briew bad la ïathuh mynta u don ha ka kti jong ki Pulit.
