Shillong, Naiwieng, 02: Ki Pulit ka Anti Narcotic Task Force (ANTF) ka East Khasi Hills District ha ka janmiet sngi thohdieng ki la ïoh kem ïa uwei u snar khaii drok uba la 45 snem ka rta ha Jingkieng Umshyrpi kaba hap hapoh u pud u sam jong ka Jhalupara Out Post.
Ha ka jingtalasi, ki Pulit ki la kurup kawei ka mobile Phone, phra tylli ki sla kotkhubor ba la pyndonkam ban song ïa ki dawai kuli, 940 tylli ki dawai kuli Nitrazepam IP 10 mg kiba khia 9400mg, kawei ka pla rong iong.
Ki Pulit ki la register case hapoh ka NDPS Act ha Lumdiengjri Police Station halor ka jingdie tuh ïa une u jingdih pynbuaid.
