Shillong, Naitung, 12: U Bappu Paul uba trei kum u Manager jong ka N. Rynjah Mobile Phone kaba don ha GS Road mar pyrshah ka Bata Showroom harum ka Baby Land School, Shillong u la ujor sha ki Pulit ka Sadar Police Station halor ka jingjah jong kawei ka mobile phone napoh ka dukan.
Katkum ka CCTV ba la phah da ki trai dukan ha ka sngi Saitjaiñ la sakhi tyngkreiñ ba uwei u u briew ba khlem kah duh khmat, uba synran lang ïa u paralok uba la deng mask uba shu leh mynleh kumba thied mobile na kane ka dukan, u la tuh ïa ka mobile phone. Tang shu dep leh ïa kane ka kam runar kine ki arngut ki la phet bak na kane ka dukan.
Ha ka ejahar, u Bappu Paul u la pyntip ba kine ki arngut ki la ïoh rong tuh kawei ka mobile phone ha ka 10 tarik, Naitung, 2025.
Ha kaba ïadei bad kane ka jingjia, ki Pulit ki dang pynlong ïa ka jingtohkit kaba bniah ban ithuh ïa ka dur jong ki nongtuh kaba la paw ha ka CCTV bad ban ïoh kem ïa ki.
