Shillong, Iaiong, 28: Ka Kynhun Search and Rescue Team jong ka tnat Fire and Emergency Services ka la ioh sei ia ka metiap jong uwei u rangbah na kawei ka thwei ha ka Wah Umtrew kaba hap ha ka shnong Umtham, Ri Bhoi District.
Ia ka met jong une u rangbah ba la ioh sei ha ka step Lah Sngi u Blei la ithuh kyrteng kum u Bah Harius Syiemsad , 28 snem ka rta uba sah ha ka shnong Lumnongrim Dewlieh, Ri Bhoi District.
Katkum ka khubor ba la iohlum la iathuh ba une u rangbah u la hap ha kane ka thwei ha ka sngi u Blei.
Ia ka met jong une u rangbah la pynkit noh sha Nongpoh Civil Hospital na ka bynta ban leh ia ka postmortem shwa ban aiti pat sha ki bahaing hasem na ka bynta ban pyndep ia ka jinglehniam bakhatduh.
