Shillong, Jymmang, 26: Na ki 7066 hajar ngut kiba ïakhun ïa ka eksamin Secondary School Leaving Certificate Supplementary kaba la long naduh ka 1 tarik haduh 8 tarik, Jymmang, 2025, kiba pas ki long 5678 hajar ngut bad ka pass percentage ka long 80:35%.
Ïa ka result jong kane ka eksamin la pynbna da ka Meghalaya Board of School Education (MBoSE) ha ka Lah Sngi u Blei.
Lah ban kdew ba ïa ka eksamin Supplementary Examination la pynlong khatduh eh ha u snem 1993.““Ka eksamin ka long kaba ïaid beit ïaid ryntih ha ka jingïatreilang hapdeng ka tnat pule puthi, ki bor district, Police bad ki bor pynïaid ïa ki jaka pule.
U Controller of Examinations ka MBoSE, Tura Bah TR Laloo, ha u kyrwoh u la ong, “ka jingpynlong ïa ka eksamin ka la ïaid beit ïaid ryntih da ka jingïatrei lang jong ka tnad pule puthi, ki bor synshar district, ka tnad pulit, ki heh jong ki jaka pule bad khamtam ki nonghikai kiba la trei shitom. Lah ban kdew ba ïa ka Supplementary Examination la pynlong khatduh eh ha u snem 1993.
Ka result jong ka eksamin SSLC 2025 ha ka Main bad Supplementary ka la long kaba jop na kiwei pat ki snem namarba ka don ka jingkiew ha ka jingpas jong ki khynnah skul. Ka daw jong kane ka dei ka jingaiti lut jong ki nongïaleh eksamin bad ka jingwanrah ïa ka CM IMPACT Guide Book.
Ka pass percentage jong ka Main Examination ka long 87:10, ong u kyrwoh na u Bah Laloo.
Lada kheiñ lang ïa ka average jong baroh ar ki eksamin, kata, ka Main bad ka Supplementary Examination ka jingpas jong ki khynnah ïa ka eksamin SSLC mynta u snem ka long 96:02 %.
 | ReplyForwardAdd reaction |
