Shillong, Jylliew 28: U Aman Chettri u la ujor sha ki Pulit ban pyntip ba ha ka miet 25 tarik mynta u bnai ki runar bym lah ban ithuh ki la tuh ïa ka thuk thuk na ka phyllaw ïingsah jong u ha Kench’s Trace, Shillong. Ha kawei ka liang u Bah Ferdinand Wahlang u la ujor ba ha ka 25 tarik mynta u bnai ha ka por 1:00 baje mynstep ki runar bym lah ban ithuh ki la tuh ïa ka Scooter jong u kaba don u nombar ML-05AC-7816.
U Bah Andy Laloo na ka shnong Lawsohtun Block-V, Shillong u la ujor sha ki Pulit ban pyntip ba ha ka janmiet 19 tarik mynta u bnai uwei u briew bym lah ban ithuh u la thok pisa T. 57,500/- da kaba shu leh online da kaba kam ba un siew ïa ka Scooter jong u sha uba la ujor.
U Wanfreeding Bina u la phah ka jingujor ba ha ka step jong ka 25 tarik mynta u bnai, ki runar bym lah ban ithuh ki la rong tuh ïa 3 tylli ki masi napoh ka sem masi ha ka shnong Jyntah, East Khasi Hills.
