Khliehriat, Nohprah 01 : Ka FKJGP Khliehriat Circle mynta ka sngi ka 1 tarik u Nohprah 2023 ha ka por 11 baje mynstep kala iohi ia kawei ka trok kaba pynhap tiar ha surok bah ha Ladrymbai khlem da pyrkhat iaka leit ka wan kiwei namar da ka jingleh jong katei ka trok kala don ka jingdheng kali ha katei ka thain bad la pynlong ia ki kali kiba wan na ka liang ba pynhap tiar katei ka trok ban shakut ha katei ka surok bad na ka liang jong ka seng haba iohi ia kane ka jingleh jong kane ka trok kala pynher krad ia katei ka trok pynhiar mar ha surokbah bad ryngkat ka jingmaham ba ymdei ban pynhiar tiar ha ki por mynsngi ha ki jaka ba long pdeng bad ki jaka kiba ktah ia ka iaid ka ieng uba bun balang namar ka por pynhap ki mar ki mata kadei naduh 8 baje mynmiet haduh 7 baje mynstep. Kane kadei ka por ia kito kiba ym biang ka jaka pynhap hynrei kito kiba biang ka jaka pynieng kali ban pynhap tiar kiba ym ktah ia ka iaid ka ieng u paidbah ki lah ban pynhap kat kaba ki mon.
Ha kaba iadei bad katei ka bynta ka FKJGP Khliehriat Circle kala ju phah da ki jingujor lyngba ki jingthoh sha u Deputy commissioner ka East Jaintia bad na ka liang u DC ruh u ladep pynlong ia ka meeting bad ki Waheh Shnong ryngkat ka jingdonlang ka seng hynrei ha ka jingpeit ka seng ki trok pynhap mar kila sdang biang ban pynhap mar thurmur bad ka seng ka ladep lap bunsien ka jingsah kut Kali ha ki thain Khliehriat, Ladrymbai kadei da ka jingleh khlem akor kum kitei truck bad na ka liang jong ka seng ka kyntu ia kiwei ki trok kiba ju leit pynhap mar iew sha ki thain Khliehriat, Ladrymbai ban pyrkhat lang ia kiwei.
