Shillong, Nailar, 09: Ka Seng Longkmie Demseiñiong ha ka sngi Saitjaiñ ka la pynlong ïa ka Free Health Camp ha Urban Primary Health Centre, Demseiñiong ha ryngkat ka jingïatreilang bad ka Dorbar Dong Demseiñiong ba la kyrshan da ka tnat ka Koit ka Khiah jong ka Sorkar Meghalaya.
Ïa kane ka Free Health Camp la pynlong na ka bynta ki nongshong shnong jong ka Dorbar Shnong Laitumkhrah Pyllun baroh kawei bad ki shnong ba markhap bad ka Dong Demseiñiong.
Ha kane ka Health Camp la leh ruh ïa ki jait test ki bapher bapher kiba kynthup ïa ka jingpang Cancer, TB, HIV bad kiwei kiwei.
La plie ïa kane ka free health camp da ka Myntri ka Koit ka Khiah jong ka Sorkar Jylla ka Dr M.Ampareen Lyngdoh kaba la long kum ka Kongan, ryngkat ka jingdonlang ki ophisar na ka tnat ka Koit ka Khiah, ki nongïalam bad ki dkhot ka Seng Longkmie bad ki paidbah nongshong shnong.
