New Delhi, Nailur, 18: Ka Kynhun Myntri ba la khlieh da u Myntri Rangbahduh ka ri u Narendra Modi ka la pdiang ïa ki jingai jingmut jong ka High-Level Committee halor ka jingpynlong Elekshon ha kajuh ka por hapoh ka jingpynïaid jong u President barim Ram Nath Kovind.
Ka High-level Committee ha ka jingai jingmut ka la shem ba la pynlong ïa ki elekshon ha kajuh ka por hapdeng u snem 1951 bad 1967.
Ka Law Commission: Ka kaiphod ba 170 (1999): Kawei ka elekshon sha ka Iingdorbar Thawaiñ Lok Sabha bad baroh ki Iingdorbar Thawaiñ jong ki jylla ha ki san snem.
Ka kaiphod ba 79 (2015) jong ka Parliamentary Committee ka la ai jingmut ïa ki rukom pynlong elekshon ha kajuh ka por ha ki ar bynta.
La khlieh ïa ka High Level Committee da u President barim jong ka ri u Ram Nath Kovind bad la ïamir jingmut ïa ka bynta baïar jong kito kiba don ha kane ka kam kynthup ki seng saiñpyrthei bad ki riewshemphang.
Ïa kane ka kaiphod lah ban pule online ha ka: https://onoe.gov.in
Ka jingai jingmut ka pyni ba ka don ka jingkyrshan ban pynlong elekshon ha kajuh ka por ha ka ri.
Ka High Level ka la ai jingmut ban pyntreikam ha ki ar bynta. Ha ka bynta ba nyngkong ban pynlong ïa ki elekshon sha ka Iingdorbar thawaiñ Lok Sabha bad ha ki jylla ha kajuh ka por.
Ha ka bynta ba ar ban pynlong ïa ki elekshon na ka bynta ki bor pynïaid shnong (Panchayat bad ki Municipal) hapoh 100 sngi hadien ka elekshon ka bynta ba nyngkong
Kawei ka Electoral Roll ïa baroh ki elekshon bad yn sdang ïa ki jingïamir jingmut sani ha baroh kawei ka ri bad nalor kata yn thung ïa ka kynhun ka ban pyntreikam.
