Shillong, K’lyngkot, 15: Ka Eri Weave Private Limited, kaba treikam ha Meghalaya, ka la paw bha ha ki ka skhim seng kam jong ka India.
Ka EriWeave ka trei na ka bynta ka ïoh ka kot kaba ïaineh ha ka imlang sahlang da kaba pynmih ïa ki ksai organic eri-silk bad ki jaiñ ba thaiñ da ka kti da kaba pyndonkam ïa u sai Ryndia ba ïoh na kane ka jaka. Kane ka skhim seng kam ka la wanrah ïa ki jingkylla ha kane ka kam.
Ka Eri Weave ka dei ka skhim seng kam kaba pynmih tiar kaba la pyntbit ha ka kam ba ïadei bad ki ‘sai Ryndia, ka jaiñ kaba ïaineh bad ka bym ktah ïa ka mariang. Lyngba ka jingkyrshan na ka Startup India Seed Fund Scheme, kane ka kompani ka la pynïar ïa ki kam, kyntiew ïa ka bor pynmih tiar bad kyntiew ruh ka jingpynpoi sha ki iew.
Kane ka jingïoh ïa ka pisa ka la plie lad ïa ka EriWeave ba kan bei tyngka na ka bynta ka teknoloji thaiñ jaiñ, ban pynbha shuh shuh ïa ki mar ba ka pynmih, bad plie lad ïoh kam kaba la pynkupbor ïa ki nongsaiñdur ha kane ka jaka. Ka peit bniah ïa ka jingbahkhlieh ha ka riam bad ka jingpynmih tiar khlem da ktah ïa ka mariang bad ka EriWeave ka la kyntiew ïalade kum ka kompani kaba don ka bynta kaba heh ha ka kam ka riam ba beit, da kaba kyntiew ïa ka jingïaineh bad ka jingpynneh ïa ki rukom saiñdur tynrai.
Kane ka jingjop ka pyni ïa ka jingkiew ki skhim seng kam ha Meghalaya bad sha kiwei kiwei ki jaka.
