Shillong, Naitung, 14: Ka Sorkar Jylla ka la phah ktien sha ka Harijan Panchayat Committee (HPC) ban ïakynduh biang ha ka 10 tarik, Nailar na ka bynta ban ïa pynbeit ïa ka kam ba dang sahteng ban pynkynriah ïa ki 342 tylli ki longing na Thew Iew Mawlong.
“Ka jingïalang kan long la kumno kumno shwa ka 10 tarik Nailar,” ong ka tyllong khubor ha ka sngi U Blei.
Ïa ka jingïalang, ba la buh sngi ban pynlong ha ka 7 tarik Naitung ban shim ïa ka rai bakhatduh la hap ban pynsangeh noh na ka daw ka jingkhladnoh u President ka HPC
Shwa kane, ha ka 31 tarik Jymmang, ka HPC ka la pan por ar bnai na ka bynta ban ïoh jied ïa u President ba thymmai jong ka Committee u ban bteng ïa ka jingïakren bad ka Sorkar na ka bynta ka jingïapynbeit ba la sah pongding.
Hadien kane, ka Meghalaya High Court ha ka 13 tarik, Jylliew, ka la aipor hynriew taiew ïa ka Sorkar Jylla bad ïa ka HPC ban ïapynbeit noh mardor ïa kane ka mat kaba sahteng.
