Shillong, K’lyngkot, 13: Ka Meghalaya State Paralympics Association ryngkat ka jingïatreilang bad ka Directorate of Sports & Youth Affairs, a Sorkar Meghalaya ha ka 13 tarik ki la pynlong ïa ka jingïakynduh lang bad ki samla ïalehkai kiba don jingduna ha ki dkhotmet kiba la shah jied ban leit ïashim bynta ha ka 23rd Senior, 18th Junior bad 2nd Sub Junior National Powerlifting Championship 2025–2026 ba la pynlong da ka India Para Powerlifting Organization ka ban long naduh 16 tarik bad ka ban kut haduh ka 18 tarik u Kyllalyngkot, 2026, ha COER University, Roorkee, Dehradun, Uttarakhand.
Kine ki phra ngut ki long u Dibistar Shabong, u Tengran A. Sangmaa, u Kamal Thapa, u Luckystar Nongdkhar, ka Prisca Pyngrope, ka Angelina Tynhiang, ka Philisita Myrthong bad ka Mitisdona Shabong.
Ha ka jingïalang la ïa donlang u Myntri ka tnat Sports and Youth Affairs ka Sorkar Jylla u Bah Wailadmiki Shylla, u Adviser jong ka Meghalaya State Paralympics Association u Bah Himalaya M. Shangpliang, u President ka Meghalaya State Paralympics Association u Bah Shaiborlang Lyngdoh bad kiwei kiwei.
