Shillong, K’lyngkot, 23:Ki shipai Border Security Force jong ka 172 Battalion kiba la ïoh jingtip na ki tnat syntiat ki la pynlong ka jingpynap ktem ha khappud jong ka ri India bad Bangladesh ha East Jaiñtia Hills District.
Ha kane ka jingpynap ktem, ki la ïoh bat ïa ki hynriew ngut ki nong Bangladeshi kiba thmu ban jam sha shiliang jong u pud u sam ka ri Bangladesh na u pud u sam jong ka ri India hadien ba ki la wan rung beaiñ shapoh ka ri India naduh khyndiat bnai mynshwa.
Kine kiba la shah kem ha ki shipai BSF ki kynthup ïa ki arngut ki kynthei bad saw ngut ki khynnah.
Ha ka jingtohkit, kine ki thei Bangladeshi ba la tip kyrteng kum ka Shilpi, kaba la 26 snem ka rta na ka shong Rajapur, Bagerhat District bad ka Rumana, kaba la 23 snem na ka shnong Chootapura, Bagerhat District ki la phla ba ki leit trei shong shakri ha nongbah Bangalore bad mynta ki la thmu ban leit phai sha ka ri Bangladesh da kaba shu prong beaiñ na khappud.
Ki khun jong kine ki arngut ki kynthup ïa kawei kaba dang 11 snem ka rta, kawei kaba dang 6 snem ka rta, iwei iba dang ar snem ka rta bad uwei pat uba dang 7 snem ka rta.
Ïa kine ki hynriew ki mynder na ka ri Bangladesh ki shipai BSF ki la aiti noh sha ki Pulit ka Umkiang Patrolling Post ban leh ïa kaba donkam katkum ki kyndon jong ka aiñ.
