Shillong, Nailar, 18: U Symbud Myntri Rangbah ka Jylla Meghalaya u bah Prestone Tynsong ha ka sngi Saitjaiñ, u la plie paidbah ïa ka Community Hall bad ïa ka Land Development for Waste Land ha ka shnong Pyndendiwah, South West Khasi Hills District ha ryngkat ka jingïadonlang jong u MLA ka Mawkyrwat Constituency u Bah Renikton Lyngdoh Tongkhar, u Additional Deputy Commissioner & Project Director jong ka DRDA, South West Khasi Hills District u bah L.T. Tariang, u BDO jong ka Mawkyrwat C&RD Block u Bah I. Lawryniang bad u MDC ka Mawkyrwat u Bah Carness Sohshang, u Superintendent of Policei u Bah G.D. Kharwanlang u Addl. SP u Bah B. Kharjana, u Assistant Commisioner u Bah A.L. Bareh bad kiwei de ki ophisar Sorkar kynthup ruh ïa ki paidbah jong ka shnong Pyndendiwah.
Ïa ka Community Hall la pyntrei na ka Mahatma Gandhi National Rural Employment Guarantee Act jong u snem 2023 – 2024 napoh Mawkyrwat C&RD Block kaba kot haduh 20 lak tam bad na ka Chief Ministers Special Development Fund jong u snem 2021-2022 kaba kot 14 lak tam bad haba kheiñlang ka long 34 lak tam katba ïa ka Land Development for Waste Land la pyntrei da ka Mahatma Gandhi National Rural Employment Guarantee Act 2023 – 2024 napoh Mawkyrwat C&RD Block ha kaba ka jingmang pisa kaba kot 26 lak tam.
