Shillong, Lber, 12: Palat 5,32,297 lak tylli ki longïing kiba la ïoh ïa ka umbam umdih hapoh ka Jal Jeevan Mission (JJM).
Ïa kane la pyntip da u Myntri ka Sorkar Jylla uba khmih ïa ka tnat PHE u Marcuise N. Marak haba jubab ha IingdorbarThawaiñ ha ka sngi Balang.
“Kumba 81.78 persen na ka thong ba la buh (la lah ban pyndep),” la ïathuh u Marak.
U la pyntip ba kumba 8 na ki 10 tylli ki skhim jong ka JJM la lah ban pyndep ha ka shnong Mawlai katba ka jingtrei ïa ki ar tylli ki skhim ka dang ïaid shaid shaid.
Ki phra tylli ki skhim ba la shna pyndep ki dei ka jingpynheh ïa ka Umsaw Mawtawar Water Supply Scheme, ka jingpynheh ïa ka Mawkynroh Umshing WSS, ka jingshna pynbha ïa ki tiar ki tar ha jaka pynlang um ha ka shnong Mawsiatkhnam, ka jingshna pynheh ïa ka Mawsiatkhnam WSS, ka Madan Mawkhar WSS, ka jingshna pynbha ïa ki tiar ki tar ha ka jaka pynlang um jong ka Umphrew WSS bad ka Umrynjah WSS.
Ki ar tylli ki skhim ba dang pyntrei ka long ka jingshna pynheh ïa ka Mawtawar WSS bad ka Umshillong Lummawnei, Umthlong, Mawiong bad Block-13 WSS.
