Shillong, Nohprah, 02: Kawei ka samla kaba la tip kyrteng kum ka Blessbina Marak, 21 snem ka rta na ka shnong Jorbil Killing ka la ïap hashen hadien ba la suba ba ka la shah ïuh ha ka trok na ki bynta jong ka khlieh kat haduh ban da pra phum.
Kane ka la jia ha ka 1 tarik Nohprah, 2025 ha ka por 12:00 baje eiei shiteng miet ha ka shnong Kamla Bagan kaba don ha ka thaiñ Killing, Ri Bhoi District
Kat haduh ba la pynmih ïa kane ka khubor ym pat lah satia ban ïoh ïa ka jingtip kaba bniah namarba ïa kane ka samla kaba la thiah lyngktar ha surok la lap da ki nongïaid lynti ha kaba ki la pyntip noh sha ki Pulit ka Khanapara Police Station.
Ïa ka met jong kane ka samla la pynkit noh da ki Pulit sha Nongpoh Civil Hospital na ka bynta ban leh ïa ka Post Mortem Examination bad ban pynlong ruh ïa ka jingtohkit kaba bniah halor kane ka jingjia.
