Shillong, Jylliew, 02: Ki shipai BSF ka 1st Battalion Meghalaya ki la pyllait im ia ki arngut ki nongshong shnong kiba la mynsaw ha ka jingaksiden kali hajan ka shnong khappud Illatoli ha South Garo Hills district.
Tang shu ioh jingtip, mar mar ki shipai BSF ki la leit ban ai jingiarap kyrkieh ia kiba mynsaw bad pynkit ruh sha ka District Hospital ha Baghmara da kaba pyndonkam da ka kali Ambulance jong ki shipai BSF.
Kane ka jingai jingiarap jong ki shipai BSF ka long ym tang ban shu iada ia ki khappud hynrei ban tynrong lem ia ka khia ka shon haba ki paidbah kiba sah ha ki shnong khappud ki ia kynduh ia ki jingjia ba sngewsih.
