Shillong, ïaïong, 23: U Commissioner & Secretary uba khmih ïa ka tnat Pule Puthi u Vijay Kumar Mantri ha ka sngi Balang u la pyntip ba ka jingpyllait ïa ka baibam Post-Matric Scholarship na ka bynta ki khynnah skul riewlum jong ka samoi pule 2023-24, kat haduh mynta, 11, 858 ngut na ki 13,719 ngut ki la ïoh ïa ka baibam ba la phah sha ki lyngba ki Bank Account.
U la ong ba la bthah ïa ki Bank ba kin pynstet na ka bynta ban pyllait ïa ka pisa ha ka por ba la buh sha ki nongïoh jingmyntoi ba dang sah sa 1,861 ngut bad la lah ruh ba pynbeit ïa ka jingeh na ka jingbym pynïasoh ïa u Aadhaar bad ka Bank Account.
“Ban weng ïa kane ka jingeh, ïa ka jingpyntip lyngba ka SMS la phah sha ki khynnah skul ha ka 22 tarik, Ïaiong, 2025, da ka jingkyrpad ba kin pyndep ïa ka jingpynshisha hapoh ka 15 snem khnang ba kin ïoh pdiang ïa ka baibam,” u la bynrap.
