Shillong, Naitung, 23: Ki Pulit ka East Jaiñtia Hills ki la ioh ban kurup haduh 373.61 kilo u Ganja bad kem ruh ïa uwei u briew uba donkti ïa uba la tip kyrteng kum u Babul Medhi, 29 snem rta uba dei na Goalpra, Assam.
U Superintendent of Police ka East Jaiñtia Hills District ha u kyrwoh u la pyntip ba ha ka janmiet sngi Ba lang tang shu ïoh ka jingtip ba bniah ka kynhun ki Pulit na Umkiang Police Patrol Post kiba la pynlong ka jingpynap shrip ha ki bynta jong ka Damchera ki la ioh bat ïa kawei ka kali Toyota Innova kaba don ïa u Nombar AS01 BV 6264.
Hadien ba la pynlong ïa ka jingtalasi bad khynra ïa ka kali ki Pulit ki la ioh ban kurup da ki phew tylli ki song ba la thep ïa u Ganja uba don ka jingkhia 373.61 kilo.
Ha ka jingtohkit ki Pulit ki la lap ba ïa une u kynja la wanrah na ka jylla Tripura da ka jingthmu ban pynpoi ka nongbah Shillong.
Ka jingtohkit halor kane ka dang iaid shakhmat ban lap dien shuh shuh sa ïa kiwei pat kiba donkti.
