Shillong, Lber, 22: Ka ophis jong u Executive Engineer PWD (R) National Highway Division, ka Mawlai Traffic Branch bad ka Dorbar Shnong Mawtawar ki la pynbeit ïa ka rukom ïaid kali thymmai na ka daw ka jingpyntrei ïa ka surok na Mawtawar- Lummawsing sha Mawsiatkhnam bad la bthah ba ki kali ba wan na Nongkohlew, Mawsiatkhnam kin ïaid noh sha ka surok Umsaw Mawjynrong bad kan mih sha surok Mawlai By Pass.
Ki kali ki ban leit sha Nongkohlew, Mawsiatkhnam kin ïaid noh na ka surok Mawlai Bypass lyngba ka shnong Umsaw Mawjynrong bad kan mih sha Mawtawar-Laitlum-Mawsiatkhnam.
Kane ka jingpynbeit thymmai kan treikam noh naduh ka 24 tarik, Lber 2025 haduh ka 26 tarik, Lber, 2025.
Ka tnat PWD ka la kyrpad ïa baroh ki nongleit nongwan kin burom ïa kane ka jingpynbeit khnang ba ka jingpyntrei ïa ka surok kan long kaba ïaid beit bad ryntih.
