Shillong, Lber, 22: Ka Central Recruitment Board jong ka tnat Civil Defence and Home Guards ha ka sngi Saitjaiñ ka la pynmih ïa ka result jong ka Physical Efficiency Tests (PET) ba la pynlong ha Shillong bad ha Tura na ka bynta ka post Sub- Inspector, Guardsman, Driver bad Non-Combatant Employee (NCE) ha ka website www.meghomeguards.gov.in hadien ba la shong pyrkhat kam bad pynshisha na ka bynta ka jingpynlong ïa ka jingthungkam kaba khuid ne ka Transparent Recruitment Process (TRP) bad hadien ba la ïoh jingmynjur na ka Sorkar.
Baroh ki kandidiet ki lah ban peit ïa ka PET result na ka website ba la kdew haneng la pyntip u Senior Staff Officer bad Addl. PRO ka Directorate of Civil Defence & Home Guards, Shillong u P.H.Shylla.
