Shillong, Jymmang, 05: Ka Meghalaya Board of School Education kaba la pynlong ïa ka eksamin Higher Secondary School Leaving Certificate (HSSLC) 2025 na ka bynta Arts, Science, Commerce & Vocational Stream naduh ka 18 tarik, Rymphang, haduh ka 19 tarik, Lber 2025 ka la pynbna ïa ka result ha ka Lah Sngi u Blei.
Ki don baroh 22,835 hajar ngut ki khynah skul kiba pule ha ka Arts Stream, 3,922 hajar ngut ha ka Science Stream, 2,501 hajar ngut ha ka Commerce Stream bad 20 ngut ha ka Vocational.
U Executive Chairman jong ka Meghalaya Board of School Education, Tura u CP Marak, (IFS Retd) ha u kyrwoh u la pyntip ba ha ka Science Stream, na ki 3,922 ngut kiba ïakhun, kiba pas ki long 3,253 hajar ngut bad ka percentage kalong 82:94%. Ha ka Commerce Stream, na ki 2,501 hajar ngut, kiba pas ki long 2,033 hajar ngut bad ka percentage ka long 81:28%, ha ka Arts Stream na ki 22,835 hajar kiba pas ki long 18,736 hajar ngut bad ka percentage ka long 82:05% bad na ka 20 ngut kiba ïakhun ha ka Vocational Stream kiba pas ki long 17 ngut bad ka percentage ka long 85%.
Ki khynnah kiba ïakhun ïa ka eksamin mynta u snem ha baroh lai tylli ki Stream ki don 29,278 hajar ngut.
Ki khynnah kiba ïoh rung ha ka Top Ten ha ki lai tylli ki Streams, kata, ha ka Arts, Commerce bad Science ki dei na ki shlem pule kiba don ha ki jaka sor.
U la pyntip ba ka jingpynlong ïa ka eksamin ka la long kaba ïaid beit da ka jingïatreilang hapdeng ka tnat Pule Puthi, ki bor synshar district, ka tnat Pulit, ki khlieh nongpynïaid skul bad khamtam ki nonghikai kiba la trei shitom.
