Shillong, ïaïong, 10: Ka Yummy Noodles, kaba don ruh ïa ka tnat ha ka jylla Meghalaya, ka la pynkut ïa ka tamasa Yummy Talent Fest kaba nyngkong eh.
Ha ka Entertainment Category, ka nongjop ba nyngkong ka dei ka nongrwai Ariana Syiem, ha ka kyrdan ba ar lah ïoh rah da u Mewan Aikupar Ryntathiang uba dei u nongrwai Rap bad ïa ka kyrdan balai la ïohrah da ka Daphilakhamti Mary Pyngrope kaba dei ka nongrwai.
Ha ka Creativity Category, ïa ka kyrdan ba nyngkong la ïohrah da ka kynhun Garry & Rimeca ha ka thup Cosplay, u Pynkitbor Kharbani uba dei u Sketch Artist u la ïoh rah ïa ka kyrdan kaba baar bad ka nongthaiñ jingthaiñ (crochet artist) ka Kong Cuty Kharbuki ka la ïohrah ïa ka kyrdan ka balai.
Da ka jingïoh khusnam kaba T.2 lak kane ka rynsan ïakob ka la long ka dak kaba kongsan ha ka jingïaid lynti jong ka Yummy Noodles ban pynkupbor ïa ka imlang sahlang lyngba ki sap ki phong bapher bapher ba ki briew ki don.
Ïa ka Yummy Talent Fest la pynwandur kum ka rynsan ban ithuh bad kyntiew ïa ki riew donsap ha ka jylla.
Kum ka nongshna Noodle – Ready-to-Eat Noodle ba nyngkong na India, ïa kaba don ruh ka karkhana bad ki nongthied kiba bun tam ha Meghalaya, ka Yummy Noodles ka la wad ki lad lynti ban ai biang sha ka imlang sahlang kaba la kyrshan ïa ka naduh u snem 2008.
Ki don kumba 20 ngut kiba poi sha ka jingïakhun phainal kaba la long U Soso Tham Auditorium napdeng ki 142 ngut ki nongïakhun.
Ha ki bnai shuwa ka phainal, la pyni ïa ki nongïashim bynta ha ki rynsan Social Media ban ïarap ban ïoh ïa ka jingithuh na ka ri India ban pyni ïa ki sur bad ki sap ba kyrpang jong ki.
Ka Chief Marketing Officer jong ka Yummy Noodles ka Rithika Baruah, ka la ong, “ngi sngew sarong haduh katta katta ban pynlong ïa ka Yummy Talent Fest. Ka thong jong ngi ka long ban thaw ïa ka rynsan ha kaba lah ban ithuh bad pyni ïa ki sap ba la buhrieh jong ka Meghalaya. Ka jingïatreilang jong ka imlang sahlang ka la long kaba phylla, bad ngi sngewkmen ban don bynta ha kaba pyni ïa ka jingstad kaba don hapoh ka thaiñ. Kane ka dei ka rukom jong ngi ban ai kylla pat sha ka imlang sahlang da kaba nang kyntiew ïa ki pateng kiba wan kiba tbit ha ka put ka tem.”
