Shillong, Jymmang, 29: Palat 32 ngut ki nongbylla bar jylla ki la shah beh ha ki dkhot ka KSU Mawlai Circle ha ki ar sngi kynthih ba ki dkhot ka seng ki la khynra ha ka shnong Mawlai Iewrynghep bad ha ka thaiñ NEHU.
Na kine, 25 ngut ki dei kiba la shah pynher krad na ka thaiñ NEHU bad 7 ngut na Mawlai Iewrynghep, la pyntip u general secretary ka KSU u Eddie Malngiang ha u kyrwoh.
“Ngi la rai ban pynjur ïa ka jingkhynra mynder katba ka Sorkar kam pat pyntreikam ïa ka Inner Line Permit (ILP) bad ïa ka Meghalaya Identification Registration (Safety & Security) of Migrant Workers 2025 Amendment,” u la ong.
