Shillong, Nailar 08 : Ka North East Slow Food and Agrobiodiversity Society bad ka Meghalaya Basin Management Authority ha ka 8 tarik, Nailar, 2023 ki la lum lang ia ki nongrep na rilum Khasi bad Jaintia ban pynsngewthuh halor ka jingiadei hapdeng ka rep ka riang jong u khun bynriew bad ka meimariang bad halor ka jingpynneh pynsah ia ki khlaw ki btap hapoh ka Community Led Landscape Management Project ia kaba la pynlong ha Soso Tham Auditorium, Shillong.
La plie ia kane ka jingiathir iatai da u Gunaka DB, uba dei u Joint Secretary jong ka Sorkar Jylla bad ha kajuh ka por u Executive Director jong ka Meghalaya Basin Development Authority bad Member Secretary jong ka BRDC bad SCSTE.
Ki nongiashim bynta ha kane ka jingiathir iatai ki kynthup ia ki Agroecolocy Learning Cirlce na ki shnong bapher kiba ju im kamai jakpoh da ka rep ka riang khlem da pyndonkam ia ka dawai sboh.
