Shillong, Risaw, 17: Ka All India Congress Committee (AICC) ka la ai jingmynjur ïa ka kyrteng jong u Jingjang M. Marak ban pynïakhun ha ka elekshon shiteng samoi ha Gambegre Constituency ka ban long sa long ha ka 13 tarik u Naiwieng, 2024.
Katkum u kyrwoh ba la phah sha ki lad pathai khubor ha ka sngi Palei, u General Secretary jong ka All India Congress Committee (AICC) u K.C Venugopal u la pyntip ba ïa ka kyrteng jong u Jingjang M. Marak la mynjur da u President jong ka party u Mallikarjun Kharge.
