Shillong, Ïaïong 27: 23 tylli ki ïing briew ki la shah pynjulor ha ka ‘eriong erngit kaba la lynshop ha miet sngi Saitjaiñ ha ka thaiñ Ranikor Civil Sub Division, South West Khasi Hills District.
Katkum ka khubor ba la ïohlum, ki paidbah ki la ïathuh ba ki longïing kiba la mad ïa ka jingshah pynjulor ha ka eriong ki long 10 tylli ha Nongkdait, 10 tylli ha Puksora bad lai tylli ha Ranikor. Nalorkata, ka eriong ka la lied ruh ia ki tin sop ing jong kawei ka ïing skul bad pynkhyllem ruh ïa ki post elektrik ha ka shnong Dirang.
Ha ka shnong shnong Alukureng ka la don ruh ka jingtwa khyndew.
Ha kane ka jingjia la pyntip ba ym shym la don kano kano ka jingjia ba sngewsih bad ki bor synshar shnong ki la shna da ki ïing sah shipor na ka bynta ki longïing ba la shah pynjulor ha ka eriong.
