Shillong, Jylliew, 02: Ka Khasi Student Union, West Khasi Hills District Unit ha ka sngi Saitjaiñ jong ka taiew baladep lyngba ka General Election ba 7 ka la pynthymmai ïa ki nongkitkam na ka bynta ka samoi treikam jong u snem 2025-2028.
Ha ka jingïalang kaba la long ha Bishop’s Hall Nongstoin la ïashim bynta da ki Unit bad ki Circle jong ka Seng na kylleng ka District.
Ki nongkitkam kiba la shah jied thymmai biang na ka bynta ka samoi treikam jong u snem 2025-2028 ki kynthup ïa u bah John Fisher Nongsiang President, John Milton Wahlang Vice President, Franklinroy Syiemiong General Secretary, Robinsyar Nongrem Asst. GS, Cooperfield Khardewsaw Education Secretary, Wanbha Kupar L Nonglait Organising Secretary, Shemlang Kharbani Sport Secretary, Blastarlan Kharbani Office Secretary, Banlumlang Nonglang Information and Publicity Secretary bad Dominic Kharmaw Environment Secretary.
Ia kine ki nongkitkam bathymmai jong ka Seng la ïoh ban pynskhem bad pynbam smai da u President jong ka Seng KSU Sengkmie u Samla Lambokstarwell Marngar ha ryngkat ka jingiadonlang ruh ki nongialam ka KSU Central Body, u rangbah dong ka dong Spengthawlangmlah jong ka New Nongstoin u bah G. Syiemlieh, ki nongialam barim ka KSU WKHD, ki nongialam ka FKJGP WKHD bad kiwei kiwei kiba la shah khot sngewbha.
