Shillong, Naiwieng, 10: U Superintendent of Police ka East Khasi Hills Bah Vivek Syiem ha ka Lah Sngi u Blei u la ong ba ki Pulit ki la pynkhreh sa ka Chargesheet kaba ar halor ka jingshah pynïap jong u nongkhaii na Indore u (L) Raja Raghuvanshi bad la khmihlynti ba kin aiti sha ka Kashari ha ka taiew ba lai jong une u bnai Naiwieng, katba dang ap ïa ka forensic report na ka CFSL, Hyderabad.
“Ka jingpynkhreh ïa ka charge sheet ka la ïaid shakhmat. Tang shu ïoh ïa ka Forensic Report na ka CFSL, Hyderabad ngin sa lah ban aiti ïa ka Chargesheet kaba ar. Ka jingbuh por jong ngi ka long la kumno kumno ha ka taiew ba nyngkong jong u bnai Nahprah hynrei ngi la thmu ban aiti noh ha ka taiew balai jong u Naiwieng,” la ong u Bah Syiem ha ka jingïakren bad ki lad pathai khubor.
U la ong ruh ha kaba ïadei bad ka jingai jamin ka rai baroh ka shong ha ka Kashari bad bynrap ba ki Pulit ki ladep lut ïa ki sakhi sabut ki ban ïarap kum ki sakhi bakhlaiñ halor ka jingpynngat kyndon.
Ka Sonam Raghuvanshi bad saw ngut kiwei pat haduh mynta ki dang shah set ha along haduh mynta.
Ki Pulit ki dang ap ïa ka kaiphod na ka Forensic Report shwa ban aiti ïa ka chargesheet sha Kashari.
