Shillong, Jymmang, 08: Ka Meghalaya State Paralympic Association ha ka 8 tarik, Jymmang, 2025 ka la pynkup burom ïa ki nongïalehkai kiba la leit ban shim bynta ha ka 22nd Asian Para Arm Wrestling Championships kaba la long ha nongbah Delhi ha ka 5 tarik bad ha ka 6tarik, Jymmang,2025
Ki nongïalehkai kiba la leit ïashim bynta ha kane ka lympung ïalehkai ki don kumba 28 ngut eiei bad kiba la wan phai noh sha ka jylla ki don kumba 13 ngut ha kaba ki la jop 6 tylli ki takma ksiar, 4 tylli ki takma rupa bad 2 tylli ki takma shnong.
Shwa ban pynkup burom ïa kine ki nongïalehkai, ki nongïalam jong ka Meghalaya State Paralympic Association ki la leit ban pdiang burom na Guwahati Airport bad synran lang tad haduh ban da poi ha nongbah shillong.
Ha ka jingleh burom ïa kine ki nongïalehkai ha Vivanta Hotel, Shillong la sakhi lang da u Chief Adviser jong ka Meghalaya State Paralympics Association u Bah HM Shangpliang, u Co Adviser u Bah Pynïaid Sing Syiem, u Director jong ka Bethany Society u Dr Ricky Renthlei, u President jong ka Meghalaya Arm wrestling Association u Bah Junestar kharbuli, ki kmie ki kpa bad ki bahaïing hasem jong ki nongïalehkai.
