Shillong, Naitung, 30: Ka Iingbishar Meghalaya High Court ka la pynsangeh noh ïa ka jingbishar ïa kiba bun tylli ki jingujor kiba ïadei bad ka jyrsieh thungkam nonghikai ha u snem 2009 haduh ka 8tarik, Nailar, 2025.
La pynsangeh noh ïa ka jingbishar hadien ka jingkyrpad da u nongïasaid aiñ uba la mih khmat na ka bynta ki arliang mamla, da ka jingkhmih lynti ba yn pynsted ïa ka jingbishar bad pynkut noh kloi katba lah.
“Halor ka jingkyrpad lang jong ki nongïasaid aiñ kiba la tbit, ïa kine ki aplikeshon la pynsangeh noh haduh ka 8 tarik, Nailar, 2025, da ka jingkhmih lynti ba ka jingbishar kan long kaba sted bad pynkut noh kloi katba lah,” la ong ka Iingbishar ba kynthup ïa u Chief Justice IP Mukerji bad u Justice W. Diengdoh ha ka jingpynmih hukum ha ka sngi Balang.
