Shillong, Rymphang, 24: Ki don haduh 4 ngut ki kyrtong kiba la shah tam ha u NOTA ha ka elekshon sha ka Jaintia Hills Autonomous District Council (JHADC) hadien ka jingpynbna ïa ka result ha ka Lah Sngi u Blei.
Na Nartiang-Wahïajer, u NOTA u la ïoh 65 vote katba u kyrtong ka Congress u Bah Katbanbiang Lamare u la ïoh tang 41 vote.
Ha Jowai South u NOTA u la ïoh 104 vote katba u kyrtong ka BJP u Bah Heimonmitre Phawa u la ïoh tang 23 vote.
Ha Musniang-Rangad u NOTA u la ïoh 50 vote katba u kyrtong ka Congress u Bah Brosent Siangshai u la ïoh tang 27 vote.
Ha Sutngas-Nongkhlieh u NOTA u la ïoh 46 vote katba u kyrtong ka HSPDP u Bah Nehlangki Pala u la ïoh tang 45 vote.
